Ditari 1 në TVM2....
Shikime: ...
Date: 16-Qershor-2018
Kohëzgjatja: 00:29:37
Kanali: DITARI
Kryeministri Zaev e ka cilësuar marrëveshjen mes Maqedonisë dhe Greqisë, që nënshkruhet të dielën në mëngjes në Prespë, si sinjal për sjellje europiane . Ambasadori amerikan Xhes Bejli e quan fillim të ri për vendin . Por VMRO vazhdon të këmbëngulë se marrëveshja është tradhëti dhe akuzojnë Zaevin se po I fsheh pasojat që marrëveshja do t’i ketë në të ardhmen.
Ivanov nuk e ka ndryshuar qëndrimin e tij kokëfortë, për të mos nënshkruar marrëveshjen për emrin. Ekspertë vlerësojnë se presidenti ka kohë që nuk sillet si kreu më i lartë i shtetit, por vazhdimisht tregon se është një president i papërgjegjshëm.
Profesori i njohur Eduard Joseph , propozon që kryeministrat Zaev dhe Cipras, të vlerësohen me cmimin Nobel për paqe. Sipas tij, marrëveshja e arritur mes Maqedonisë dhe Greqisë, nuk është thjesht marrëveshje që i jep fund kontestit të stërzgjatur për emrin, por është model për zgjidhjen e konflikteve të identitetit .
Ndryshimet në ligjin për noterët, kundështohet nga këta të fundit. Noterët vlerësojnë se akti noterial duhet të kthehet në kapacitetin e tij të plotë dhe nuk duhet tu merren përgjegjësitë. Ministja Deskovka thotë se do të dëgjojë të gjitha palët, duke pasur parasysh mbi të gjitha, interesin e qytetarëve.