Ditari 1 së bashku me Gazmend Kurtishin...
Shikime: ...
Date: 5-Gusht-2018
Kohëzgjatja: 00:27:42
Kanali: DITARI
30 organizata dhe parti më të vogla, u bënë bashkë në thirrjet për bojkot të referendumit. Ata formuan të ashtuquajturin Shtabin e Krizës që do ta udhëheq Janko Baçev. Ekspertët ndërkohë përkujtojnë se qeveria dështoi të fitojë përkrahjen e opozitës për referendimin, por tani duhet të nisë punën për të bindur qytetarët se cilat janë benefitet e një rezultati pozitiv.
Ndryshimet Kushtetuese, nuk do të kalojnë lehtë në kuvend. Shumica për momentin nuk i ka 81 deputetë thonë analistët, sipas të cilëve maxhoranca duhet të sigurojë vota shtesë nga deputetë të caktuar të opozitës. Nëse kjo nuk arrihet, ata nuk përjashtojnë as mundësinë e zgjedhjeve të parakohëshme.
Nga viti i ardhshëm, shitësit në tregjet e gjelbërta, duhet të pajisen me licenca. Nga shoqata e pazarxhinjve thonë se ndryshimet ligjore më në fund rregullojnë statusin e shitësve. Por shitësit ankohen se 60 eurot për licencën, janë shumë për xhepin e tyre.
20 persona kanë humbur jetën pasi një avion i vjetër i luftës së Dytë Botërore u rrëzua në një zonë malore në Zvicër. Shkaku i aksidentit është ende i panjohur. Ky është aksidenti I dytë i tillë. Dje një avion i vogël u rrëzuar duke lënë të vdekur një cift dhe dy fëmijët e tyre.