DITARI 1 - 08.08.2018

E majta me iniciativë në Kushtetuese për të anuluar referendumin të cilin e cilëson si antikushtetues. Aleanca për Shqiptarët ndërkohë , vlerëson se fushata propaganduese aktuale e qeverisë, anashkalon shqiptarët në vendimin më të rëndësishëm historik për vendin. Analistët presin ashpërsim të fushatës javën pas 10 gushtit kur pritet edhe qëndrimi përfundimtar i VMRO-ë për referendumin.

Masë përkujdesi ndaj ish kreut të Karposhit, ndaj të cilit policia financiare ka ngritur kallëzim penal . Bashkë me të për keqpërdorim detyre akuzohen edhe katër bashkëpunëtorëve të tij . Sipas policisë financiare , ata kanë dëmtuar kështu buxhetin komunal për thuajse 600 mijë euro. Jakimovski hedh poshtë akuzat duke thënë se nuk ka pasur as lëshime dhe keqpërdorime gjatë qeverisjes së tij për 3 mandate me komunën e Karposhit.

Riatdhesimi I 7 personave që u arrestuan nga MPB për pjesmarrje në luftrat në Siri dhe Irak , është cilësuar nga Pentagoni si akt që tregon se si duhet luftuar ideologjia e ISIS-it. Sociologu Ali Pajaziti vlerëson se, këta njerëz kanë mungesë informacinesh se cfarë në të vërtetë po ndodh në Lindjen e Mesme dhe ndikohen nga të ashtuquajturit Imamë të rrjeteve sociale Ai kërkon më shumë punë për çradikalizimin dhe risocializimin e të kthyerve.

Presidenti i Kosovës Hashim Thaçi edhe një herë ka risqaruar se janë 400 km kufij që mund të korrigjohen e kjo nënkupton vetëm bashkëngjitjen e Preshevës, Bujanovcit dhe Metvegjës, sic vetë kanë kërkuar por në asnjë mënyrë ndarje apo këmbim territoresh me serbinë. Por nga Vlora kryeministri Hadainaj rikujton se kufijtë janë shënuar me gjak e si të tillë janë të paprekshëm.