Ditari 1 - 13.10.2018

VMRO - DPMNE në mbledhjen e komitetit ekzekutiv mori vendim të filloj përgatitjet për zgjedhje të parakohshme parlamentare. Kreu I kësaj partie Hristijan Mickoski përsëriti qëndrimin se partia e tij mbetet e prerë kundër marrëveshjes me Greqinë dhe kundër ndryshimeve kushtetuese. Ndërkohë, LSDM fton deputetët e opozitës që të kuptojnë rëndësinë historike dhe të mbështesin ndryshimet kushtetuese të cilat sigurojnë ardhmërinë euroatlantike të vendit. Edhe nga BDI vlerësojnë se ende nuk janë shterur tentimet për sigurimin e 2/3.
Nënkryetari i Shteteve të Bashkuara të Amerikës, Mike Pence përmes një letre dërguar kryeministrit të Republikës së Maqedonisë, Zoran Zaev, i shprehë mirënjohje për lidership e treguar në marrëveshje, dhe thekson se 90 për qind e atyre që votuan në referendum e mbështetën marrëveshjen e Prespës, dhe me këtë konfirmuan të ardhmen euroatlantike të Maqedonisë.
Prokuroria Speciale Publike hapi një hetim të ri të koduar me emrin “Banka Postare”, ku të dyshuar janë 9 persona për veprën penale, “Pastrim parash” me çka në mënyrë të paligjshme kanë përvetësuar rreth 5 milionë euro. Në këtë rast përmenden edhe Nikolla Gruevski dhe Lubço Georgievski të cilët mohojnë përfshirjen e tyre. Në Prokurorinë Speciale ka dorëzuar dokumente Zv/kryeministri për çështje evropiane Bujar Osmani , të cilat siç u shpreh ai do ta dëshmonin pafajësinë për punën e tij në atë periudhë.
Një ngjarje e rëndë ka ndodhur në Greqi.11 persona, 10 nga të cilët emigrantë klandestinë, kanë gjetur vdekjen pasi mjeti që u i transportonte u përfshi nga flakët si pasojë e një përplasjeje.