DITARI 1 - 07.01.2019

Këtyre ditëve vendi është kapluar nga temperature të ulëta dhe rreshje të borës, e cila prej 11 ditësh ka bllokuar fshatrat e malësisë së Karadakut, Malinë, Brezë dhe Tanushë.

Vazhduar vaksinimi i jashtëzakonshëm i fëmijëve në Shkup, për shkak të epidemisë së fruthit të shpallur për gjithë territorin e kryeqendrës. Por edhe përkundër apeleve dhe deklaratave të autoriteteve për sigurinë e vaksinës, intensiteti i vaksinimit mbetet i ulët. Alarm nga fruthi edhe në Shqipëri.

Më 9 janar, fillon faza përfundimtare në kuvend për miratimin e ndryshimeve kushtetuese që dalin si obligim nga Marrëveshjen e Prespës. Ndërkohë kryeminsitri Zoran Zaev vazhdon përpjekjet për të siguruar votat e 80 deputetëve. Dy partitë opozitare shqiptare, Aleanca për Shqiptarët dhe BESA kanë kushtëzuar votën “Për” me pranimin e amandamenteve të tyre, për çka nesër pritet takim mes grupeve të punës.

Kreu i VMRO-DPMNE-së Hristijan Mickoski nuk e sheh të nevojshme të bashkëpunojë me ndonjë parti shqiptare për të gjetur kandidat konsensual për president, pasi vlerëson se vendit I duhet president lojal e jo konsenzual. Ndërsa kreu i LSDM-së Zoran Zaev është shprehur i gatshëm për kandidat konsenzual me partnerët e koalicionit.