Ditari 1 së bashku me Gazmend Rexhepi...
Shikime: ...
Date: 11-Janar-2019
Kohëzgjatja: 00:30:53
Kanali: DITARI
Kryeministri Zoran Zaev dhe Bilall Kasami kanë arritur marrëveshje për votat “pro” të dy deputetëve të Lëvizjes Besa, për ndryshimet kushtetuese. Sipas marrëveshjes, është pranuar ligji kushtetues për nënshtetësinë, e cila do të jetë “maqedonase/qytetar i Republikës së Maqedonisë së Veriut”, me të cilin do të shpjegohet etnia dhe do të konfirmohet në gjitha ligjet që është e nevojshme. Në çdo moment pritet të filloj edhe séance parlamentare për ndryshmimet kushtetuese.
Ministrja e drejtësisë Renata Deskoska deklaroi se kërkesat e VMRO DPMNE-së për propozim Ligjin për paramndalimin e korruptimit janë të papranueshme pasi dëmtojnë cilësinë e ligjit, dhe janë në kundërshtim me rekomandimet e Komisionit Evropian. Ajo fton deputetëve të VMRO DPMNE-së që të heqin dorë nga kërkesat e tyre dhe të mbështesin propozim ligjin për parandalimin e korruptimit, i cili është në procedurë parlamentare.
Rreth situates me epideminë e fruthit është angazhuar edhe Ministria e Arsimit dhe shkencës. Ministri i Arsimit dhe Shkencës Arber Ademi, thotë se janë në kordimin me Ministrin e shëndetësisë dhe Punës dhe politikës sociale për gjendjen aktuale në teren, dhe varësisht nga situate do të vendosin se a do të fillojë gjashtëmujori i dytë me 21 janar apo do të shtyhet.
Autostrada Shkup-Bllacë, projekt i shumë kërkuar do të realizohet së shpejti. Muajin e ardhshëm do të shpallet tenderi, ndërsa ndërtimet për fazën e parë pritet të fillojnë në tremujorin e dytë të vitit. Projekti ka rëndësi të madhe strategjike jo vetëm për ndërlidhje rajonale dhe politike por edhe për aspektin ekonomik, thotë zëvendëskryeministri Osmani.