Ditari 1 së bashku me Leunora Kaliqin...
Shikime: ...
Date: 11-Maj-2019
Kohëzgjatja: 00:25:48
Kanali: DITARI
Komisioni Shtetëror i Zgjedhjeve ia dorëzoi certifikatën Stevo Pendarovskit me të cilën edhe zyrtarisht vërtetoi se është zgjedhur Kryetari i Republikës së Maqedonisë së Veriut. Kryetari i sapozgjedhur Pendarovski premtoi se ndër detyrat e tij të para do të jetë dekretimi i ligjeve të pa nënshkruara nga paraardhësi tij.
Qeveria është e gatshme për kompromise me opozitën për ligj më cilësor për Prokurori Publike, por nuk do të pajtohemi për të vënë në pikëpyetje hetimiet e PSP-së në të ardhmen, thotë Ministrja e mbrojtjes Radmila Sheqerinska. Ajo shprehet optimiste se do të gjejnë gjuhë të përbashkët me opozitën për ligjin e ri për Prokurori Publike para shpalljes së vendimeve të BE-së. Edhe ekspertët juridik vlerësojnë se ajo që mund ti çojë partitë politike drejt një zgjidhjeje, është procesi euro-integrues i vendit.
Qeveria ende pa detaje së në çfarë mënyre do të rrisë pagën minimale. Oda Ekonomike e Maqedonisë Veri Perendimore mbështet një nga opsionet e qeverisë siç është subvecionimi i kompanive që këta të rrisin pagën minimale ndaj të punësuarve, por me kusht që ajo të bëhet në mënyrë proporcionale për të gjitha industitë njësoj.
Ministri i shëndetësisë Venko Filipçe përsëriti qëndrimin se nuk heq dorë nga vendimi që në kopshte dhe shkolla të pranohen vetëm fëmijët e vaksinuar, sepse vetëm në këtë mënyrë do ti jepet fund gjendjes momentale me epideminë e fruthit. Ai tha se vendimi përfundimtar do të dihet të hënën, pas takimit që do të zhvillojë me Ministrin e Arsimit, dhe ministren e Drejtësisë.