Ditari 1 ne TVM2...
Shikime: ...
Date: 23-Korrik-2019
Kohëzgjatja: 00:33:39
Kanali: DITARI
Prokurorja speciale në dorëheqje Katica Janeva , pas pushimit mjekësor paraqitet në punë dhe prononcohet rreth dyshimeve në opinion për përfshirjen e saj në rastin Zhvatja. Ajo thotë se nuk ka keqpërdorur detyrën zyrtare, por se emri i saj është keqpërdorë nga të tjerët për ta dëmtuar atë, dhe kërkon nga prokuroria të zbardhë rastin. Ndërkohë Prokuroria themelore konfiskoi ndërkohë edhe celularin e dytë të kryeprokurores speciale në largim Katica Janeva.
Qeveria aprovoi projekt ligjin për Prokurorinë Publike i cili pritet menjëherë të vihet në seancë kuvendore. Kryeparlamentari Xhaferi thotë se ligji mund të miratohet në kuvend edhe para 15 shtatorit, nëse partite politike arrijnë konsenzus. LSDM fton VMRO - në të mbështesin ligjin por nga VMRO paralajmëroi se do të dalë me qëndrim dhe verrëjtje pasi të shqyrtojnë ligjin në fjalë.
Qeveria e re greke e kryeministrit të ri Micotakis merr besimin e deputetëve të partive qeveritare. Kryeministri Micotakis deklaron se qeveria e re greke do të përqëndrohet në zbutjen e pasojave negative nga Marrëveshja e Prespës.
Kryeministri i dorëhequr i Kosovës, Ramush Haradinaj, udhëton për në Hagë ku do të merret në pyetje nga Gjykata Speciale për Krimet e Luftës. Ai pak para nisjes në facebook shkroi se do të vazhdon të mbroj me nder të drejtën e Kosovës. Ndërkohë sa i përket dialogut me Serbinë, këmbëngulë se është pro marrëveshjes por taksa do të hiqet vetëm pas njohjes.