Ditari 1 - 17.11.2019

Mosdhënien e datës për fillimin e bisedime për RMV- në nga ana e tre vendeve të BE- së, kryeparlamentari Europian Dejvid Sasoli e ka vlerësuar si të gabuar dhe këto shqetësime ja ka përcjellë edhe presidentit francez Makron. Ai thotë se Maqedonia e Veriut, dhe qytetarët e sajë janë të gatshëm të bëhen anëtare e Bashkimit Europian, dhe kanë punuar shumë në këtë drejtim.
Niveli i ndotjes së ajrit në vendin tone vazhdon të jetë i lartë sidomos në Shkup dhe Tetovë. Ambientalistët kërkojnë qasje më serioze nga autoritetet, pasi kjo paraqet kërcënim serioz për qytetarët. Ata thonë se edhe vetëdija ekologjike e qytetarëve është e ulët, vlerësim që e pranojnë edhe vetë qytetarët të cilët thonë se duhet të mbajtur llogari për mos ndotjen e ajrit.
Në vendin tone në nivel vjetor para kohe lindin rreth 600 foshnje. Prej tyre 12% humbin betejën për jetë. Mjekët thonë se janë vendosur metoda të reja në trajtimin e tyre.
Rritja për 700 denarë e pensioneve nga janari i vitit të ardhshëm nuk i ka kënaqur aq shumë pensionistët. Ata thonë se këto të holla nuk u mjaftojnë as për blerjen e e ilaçeve, dhe kërkojnë rritje më të madhe të pensioneve.