Ditari 1 - 20.11.2019

Mesazhi telefonik i prokurores Vilma Ruskovska drejtuar njërit nga gjykatësit që miratoi lëshimin në arrest shtëpie të ish prokurores speciale Katica Janeva, nga gjykata e Apelit dhe Këshilli Gjyqësor është cilësuar si kërcënim dhe ndërhyrje e drejtëpdrejtë. Prokuroria publike e cilëson thjesht si një reagim në moment dëshpërimi.
Kryeministri Zaev e cilëson proces të domosdoshëm vetingun në gjyqësor madje edhe për politikanët. Nëse vendos ti shërbesh popullit, duhet të jesh i pastërt e transparent, thotë kryeministri. Megjithatë pranon se vetingu në drejtësi, mund të lërë gjykatat me mungesë gjykatësish e prokurorësh.
Kreu i BDI-së, Ali Ahmeti hedh poshtë insinuatat për marrëveshje partnerësh në prag të qeverisë teknike në rokadat e fundit në disa sektorë në MPB. Thekson se në institucionet e sigurisë duhet të punojnë njerëz profesionistë.
Në Manastir u përurua konsullata e nderit e Shqipërisë dhe konsulli i saj parë, Imer Selmani. Për shqiptarët konsullata e nderit në qytetin e Alfabetit, ka një rëndësi shumë më të madhe se çdo konsullatë tjetër nderi për shkak të rëndësisë historike që ka ky qytet për shqiptarët. Vazhdojnë ndërkohë aktivitetet për ditën e Alfabetit