Ditari 1 - 09.12.2019

VMRO – DPMNE do të ndërhyjë me amendamente për ta bërë ligjin p;r gjuhët kushtetues. Aleanca për Shqiptarët kërkon që Shqipja të jetë e barabartë me gjuhën maqedonase. Kryeministri Zoran Zaev kërkoi që të respektohen rekomandimet e Venecias dhe paralajmëroi rishikimin e ligjit, ndërsa BDI këmbëngul se duhen krijuar kapacitete për dygjuhësinë në gjyqësor, e jo të bëhen ndryshime të njëanshme ligjore.

Ministri i Jashtëm Nikolla Dimitrov ka kërkuar nga Bashkimi Evropian të përmirësojë gabimin e tetorit dhe t'i hap rrugën eurointegruese vendit tone sepse për rajonin nuk ka alternativë tjetër pos BE-së. Edhe Komisionerin për zgjerim Varheji dhe ministri i jashtëm të Rumanisë, Auresku, mbështesin integrimin e Maqedonisë së veriut dhe Shqipërisë në BE.
Shtatë regjistrimet e reja audio të publikuara tashmë në internet për rastin Zhvatja, po hetohen gjërësisht nga prokuroria e cila po përpiqet të gjejë se kush i ka postuar të njejtat të shtunën.

Një e treta e qytetarëve të Maqedonisë së Veriut, vetë ofrojnë mito për tu ktyer ndonjë punë, ndërsa 50 % e qytetarëve thonë se u është kërkuar mito nga ndonjë zyrtar apo administrator . Komiteti i Helsinkit vlerëson se korrupsioni mbetet problem serioz dhe fenomen i pandëshkuar, ndërkohë ndërkombëtarët porositin institucionet të fokusohen në ndërtimin e vlerave.