Ditari 1 - 13.02.2020

-Gripi sezonal ka marr viktimën e parë. Në Klinikën e Fëmijëve në Shkup, mbrëm ka ndrruar jetë një vajzë 14 vjeçare. Autoritetet shëndetësore bëjnë të ditur se vetëm javën e fundit nga gripi sezonal janë prekur mbi 3600 persona. Më së shumti janë prekur fëmijët e moshës shkollore. Poashtu njoftohet se është prekur nga virusi korona Covid – 19, njëri nga tre shtetasit e Maqedonisë së Veriut që ndodhen në karantinë në anijen “kruzer” në Japoni.
-Në pritje të séances plenare për ligjin e prokurorisë kanë vazhduar akuzat mes VMRO-së dhe LSDM-së rreth ligjit. LSDM ftoi deputetët që t’i përkrahin ligjet ndëkaq, akuzon kreun e VMRO -së, Kristijan Mickovski për presion mbi deputetët që të mos e votojnë ligjin e prokurorisë. Por VMRO kërkoi nga deputetët të mos e miratojë propozim tekstin i cili sipas tyre synon amnistinë e krimit të Zaevit.
-Kryeministri teknik Oliver Spasovski nuk heq dorë nga nisma për shkarkimin e ministres së punës dhe politikës sociale Rashella Mizrahi, pasi sipas tij minsitreja në fjalë duke mos përdorur emrin kushtetues të vendit, ka shkelur kushtetutën. Por nga -VMRO-DPMNE insistojnë që Mizrahi të vazhdojë të ushtrojë detyrën e minsitres.
Zëvendëskryeministri për Çështje Evropiane, Bujar Osmani dhe ministri i Punëve të Jashtme, Nikolla Dimitrov po qëndrojnë për vizitë në kryeqendrën franceze, në përpjekje për të bindur zyrtarët francez se vendi meriton datën për fillimin e bisedimeve.