Ditari 1 - 25.05.2020

21 raste të reja, 17 pacientë të shëruar dhe fatmirësisht asnjë i vdekur nga Covid 19 është bilanci i 24 orëve të fundit në mbarë teritorin e vendit.

Ende nuk dihet se kur Maqedonia e Veriut do të hapë kufijtë e saj. Për këtë duhet të diskutojë dhe vendosë të martën Komisioni për Sëmundje Ngjitëse. Ndërkohë Kryeministri shqiptar Edi Rama bën të ditur se Shqiperia me 1 Qershor do të hapen kufijtë tokësorë me vendet fqinje.

Me zbukurimin e bankinave të betonit në Rrugën në Çairçanjë me grafite të emrave të nxënësve të shkollave pë rreth dëshirojmë të dërgojmë mesazh deri te vozitësit se duhet të jemi më të kujdesshëm dhe të mbrojmë jetën e fëmijëve që e kalojnë këtë rrugë, thotë zëdhënësi i qytetit të Shkupit Valon Saliu.

Eurokomisioneri Johanes Han inkurajon vendet e Ballkanit të vazhdojnë reformat në rrugën Euro-Atlantike, se mundi i tyre do të shpërblehet. Ai thotë se hapja e bisedimeve me Maqedoninë e Veriut dhe Shqipërinë, në kohë të krizës nga pandemia tregon përkushtimin e madh të BE-së ndaj këtyre dy vendeve.