Ditari 1 së bashku me Gazmend Kurtishin..
Shikime: ...
Date: 29-Maj-2020
Kohëzgjatja: 00:38:17
Kanali: DITARI
4 të vdekur dhe 52 të infektuar në 24 orët e fundit, shumica nga Shkupi. Autoritetet thonë se shtimi i numrave vjen për shkaktë mosrespektimit të masave pothuajse në të gjitha qytetet. Nuk përjashtojnë mundësinë e kthimit të masave restriktive, ndoshta edhe të karantinimit të komunave me më shumë raste.
Pritet vendimi i qeverisë për vazhdimin ose jo të gjendjes së jashtëzakonshme, që skadon nesër. Nga ky vemdim, varet edhe data e zgjedhjeve. LSDM është për zgjedhje në datën e parë të mundshme, BDI pret fjalën e autoriteteve shëndetësore, VMRO thotë se është morbide të mendosh për zgjedhje në këtë situatë. ASH dhe Alternativa janë për zgjedhje në fund të Korrikut.
Mirëseerdhët në NATO uruan mbi qiellin e Shkupit, 6 avionë ushtarakë të NATO-s, dy bombardues amerikanë dhe katër avionë të Forcës Ajrore Greke. Për ministren e mbrojtjes Shekerinska, ky spektakël në qiell, tregon se integrimi nuk është vetëm politik, por është realitet i prekshëm. Në këtë realitet hapërojmë si aleatë, deklaroi ambasadorja amerikane Kejt Mari Bërns.
Kryeministri Kurti kritikoi Gjykatën Kushtetuese të Kosovës, për vendimin duke e akuzuar madje se është rreshtuar përkrah kapësve të shtetit. Presidenti Hashim Thaci u bëri thirrje të gjithë institucioneve dhe partive politike që të zbatojnë vendimet e Kushtetueses dhe qeveria e re të formohet sa më shpejt.