Ditari 1 së bashku me Leunora Kaliqi...
Shikime: ...
Date: 5-Gusht-2020
Kohëzgjatja: 00:33:20
Kanali: DITARI
Tragjedi e paparë pas shpërthimit të fuqishëm i cili ndodhi mbrëmë në Bejrut. Nga shpërthimi mbetën qindra njerëz të vdekur mijëra të tjerë mbetën të plagosur dhe të shumë të zhdukur. Shpërthimi i fuqishëm ka lënë mbi 300 mijë njerëz pa kulm mbi kokë. Shkak i shpërthimit kanë qenë 2 mijë e 750 ton amonium të vendosura në depot ku për 6 vite të njejtat nuk janë mirëmbajtur. Në liban shpallen tre ditë zie kombëtare.
Në përpjekje për shumicën e re, kreu i LSDM-së ka vazhduar bisedimet me krerët e partive shqiptare. Zaev gjatë ditës ka takuar liderin e BDI-së dhe krerët e koalicionit ASH-AA. Pa shumë detaje nga LSDM thonë se bisedimet zhvillohen në përpjekje të formimit të qeverisë stabile.
Detaje nga takimet nuk japin as partitë shqiptare.Edhe kreu i VMRO – DPMNE-së ditëve në vijim do të fillojë bisedimet për shumicës parlamentare, por jo edhe me çdo kusht.
Nga gjithsej 120 deputetë, përbërja e re parlamentare numëron 43 deputete gra, prej të cilave 7 shqiptare. Deputetja më e re e kësaj përbërjeje është e moshës 23 vjeç. Opinionisja Dijana Toska për TVM2 thotë se gratë deputete duhet të shëndërrohen në një zë fuqishëm të jenë të unifikuara dhe të vetëdijësuara për realitetin.
Numri i të shëruarve nga virusi korona rritet karshi numrit të të infektuarve ndersa numri i te vdekurve akoma eshte i larte. Brenda 24 orëve janë regjistruar 88 raste të reja, 6 vdekje dhe 113 pacientë të shëruar. Shifra alarmante te infektimeve edhe ne Kosovë dhe Shqipëri. Në bote numri i të infektuarve ka kaluar mb 18 milionë njerëz, ndërsa 700 mijë prej tyre kanë vdekur.