Ditari 1 - 09.05.2021

Është koha e fundit që vendi të fillojë negociatat për anëtarësim në BE, ka deklaruar zëvendës kryeministri për Çështje Evropiane, Nikolla Dimitrov, me rastin e ditës së Evropës. Qytetarët e vendit janë të bashkuar rreth vlerave evropiane ka thënë me këtë rast kryemisnitri Zaev. Fillimin e negociatave e kërkojnë edhe partite opozitare VMRO dhe ASH. Nga ana tjetër euroambasadori David Geer thot se Brukseli e dëshiron hapjen e negociatave me RMV-në dhe Shqipërinë, por për këtë vendosin 27 vendet anëtare.

Zëvendës kryeministri i parë, Artan Grubi, ka deklaruar se Marrëveshja e Ohrit në thelbin e saj është një vlerë e Bashkimit Evropian. Kjo marrveshje ka kontribuar që Maqedoninë e Veriut ta ndjejë si shtetin e tij tha Grubi, në dskutimin me temë 20 vjet pas Marrëveshjes së Ohrit, Maqedonia e Veriut dhe rruga drejt BE-së.

Sot shënohet edhe Dita së fitores ndaj fashizmit, me çrast në fshatin Vratnicë të Tetovës, ambasadorja amerikane Bërns e shoqëruar nga kryemisnitri Zaev vendosën lule para përmendores së ngritur për nderë të pilotëve amerikan, avioni i të cilëve ishte rrëzuar në vitin 1944 në këtë rajon. Bërns dhe Zaev me këtë rast theksuan se partneriteti mes dy vendeve vazhdon të përforcohet.

Në 24 orët e fundit është ulur numri i kovid pacientëve në trajtim spitalorë, ndërsa nga 1993 testime të kryera janë regjistruar 135 raste pozitive derisa janë shëruar 298 pacientë. Njoftohet edhe për 14 të vdekur. Ministri i shëndetësisë Venko Filipçe nga ana tjetër është optimist se deri në fund të verës numri I të infektuarve mund të jetë minimal pasiqë mund të arrihet imunitet kolektiv me anë të vaksinimit.