Ditari 1 në TVM2....
Shikime: ...
Date: 13-Qershor-2021
Kohëzgjatja: 00:31:57
Kanali: DITARI
Sot, për herë të parë që nga 2 shtatori, nuk ka asnjë fatalitet të regjistruar nga Covid 19. Shpresëdhënës edhe numri i të infektuarve të rinj, vetëm 8 në 24 orë. 9 janë të shëruarit. Nesër pritet një sasi prej 30 mijë vaksinash “Sinovak”, donacion nga Turqia , për të vazhduar procesin e e imunizimit që uli ritmet ditëve të fundit për shkak të mungesës së vaksinave.
Mickovski, thotë se RMV është largë integrimit në BE dhe gishtin e drejtoi nga qeverisja aktuale. Paralajmëroi vazhdimin e protestave. Komisioni për Politikë të Jashtme në Kuvend, ka caktuar mbledhje për të mërkurën për të kërkuar sqarime nga ministri i jashtëm se cfarë bisedohet me Bullgarinë. Osmani thotë se ka agjendë tepër të ngjeshur por do përpiqet maksimalisht të arrijë në kohën e caktuar nga Milloshovski.
Ka ende kohë deri në mbajtjen e zgjedhjeve lokale por partitë kanë ndezur motorrët. Tashmë dihen emrat e disa prej kandidatëve që do të rikandidojnë edhe për një mandate shtesë. Ekspertët thonë se është mirë të mendohet për cilësi. Nuk ka kohë për ndryshime të modelit zgjedhor e si duket as vullnet për lista të hapura për këshilltarë.
Anëtarët e Partisë Demokratike të Shqipërisë, iu drejtuan sot kutive të votimit për të zgjedhur atë që do t’i udhëheqë në 4 viteve të ardhshme. Në garë për kreun e selisë blu, janë kryetari aktual Lulzim Basha dhe 3 sfidantët, Agron Shehaj, Edith Harxhi dhe Fatbardh Kadilli. Këta të fundit u ankuan për parregullsi të shumta në proces.