Ditari 1 - 09.06.2024

TOP LAJME
Në Kongresin e sotëm të LSDM-së u analizuan rezultatet zgjedhore të zgjedhjeve presidenciale dhe parlamentare të vitit 2024. Por Kongresi u ndërpre dhe u shty pasi drejtuesit e organizatave komunale kërkuan kohë shtesë për përgatitjen e raporteve.
Partnerët e ardhshëm të koalicionit kanë rrumbullakuar negociatat për formimin e kabinetit qeveritar. Krijohet një listë për ndarjen e posteve të larta në institucionet shtetërore. Nga VMRO – DPMNE nuk citojnë emrat e kuadrove dhe institucioneve. Nga VLEN zbulojnë se në cilat kolltuqe do të ulen kuadrot e tyre
Edhe pse çmimet e disa produkteve ushqimore kanë filluar të ulen, për qytetarët kjo nuk mjafton sepse siç thonë në krahasim me standardin që e kemi ende janë shtrenjtë. Edhe tregëtarët ankohen se nuk kanë shitje sa duhet.
Në Bashkimin Evropian sot është dita e fundit e votimit për këto zgjedhje, ku qytetarët zgjedhin 720 deputetë të rinj, në Parlamentin Evropian të cilët do të formësojnë politikën e BE-së në pesë vitet e ardhshme. Rezultatet fillestare vijnë edhe nga shtetet ku votimi tashmë ka përfunduar.