Ditari 1 - 10.06.2024

Formimi i qeverisë së re pritet të ndodh javës tjetër. Të paktën këto janë pritjet e partnerit shqiptar për formimin e qeverisë Mickoski.

Kthimi i besimit të qytetarëve në Gjykatën Kushtetuesedo të jetë një ndër sfidat e kryetarit të sapozgjedhur Darko Kostadinovskit. Kjo pritet të arrihet përmes rritjes së transparencës dhe Rregullores së re për punë si dhe ngritjes së procedurave me vetiniciativë.

Komision Shtetëror për Parandalimin e Korrupsionit ka gjetur fajtor Ministrin e Shëndetësisë, Ilir Demiri, në vendimet e tij për të shkarkuar drejtorët mjekësorë të Klinikës së Toksikologjisë dhe atë të Klinikës së Kardiokirurgjisë.

Kosova po shënon ‘25 Vjetorin e Çlirimit”. Për nderim ndaj Kosovës në këtë ngjarje marrin pjesë personalitete të rëndësishme rajonale e ndërkombëtare. Tony Blair, ish-kryeministri i Mbretërisë së Bashkuar, një nga aleatët kyç për çlirimin e Kosovës deklaroi se mezi pret ditën kur Kosova do të bëhet pjesë e OKB-së.