Ditari 1 - 28.10.2024

TOP LAJMET
Kryetari i Bashkimit Demokratik për Integrim, Ali Ahmeti, ka dërguar një letër zyrtare kryeministrit, Hristijan Mickoski, lidhur me vendimet e fundit të Gjykatës Kushtetuese dhe ndikimin e tyre mbi kohezionin ndëretnik. Kreu i Qeverisë tha se të njëjtën do ta komentojë pasi ta ketë lexuar. Ndërkohë për zv.kryeministrin e parë, Izet Mexhiti, janë muhabete boshe të dëgjuara në të kaluarën.

Kryeministri Mickoski, së bashku me zv.kryeministrin e parë, Mexhiti dhe ministrin e Transportit, Nikollovski, inspektuan punimet në Korridorin 8, në rajonin e Gostivarit. Kryeministri tha se pas 2 vjet ngecjesh, po fillon të shihet puna në terren. Ndërkohë Mexhiti theksoi se Korridorit 8, ky është prioritet mbi prioritetet për zhvillimin e vendit. Ndërkohë kanë reaguar BDI dhe LSDM.

Për tetë ditë me radhë 15 organizata të shoqërisë civile, institucione arsimore, media dhe institucione shtetërore do të zhvillojnë disa aktivitete që lidhen me arsimin mediatik. Do të diskutohet për ndërgjegjësimin e qytetarëve për rëndësinë e arsimimit mediatik, për atë se si të bëjnë dallimin mes lajmeve të rreme dhe atyre të vërteta.

Partia e qendrës së djathtë në Bullgari, GERB, i ka fituar zgjedhjet parlamentare, sipas rezultateve preliminare, mirëpo asaj do t’i dihet një partner koalicioni për të formuar Qeverinë. Sipas rezultateve preliminare të komisionit shtetëror zgjedhor, GERB-i i ka fituar 26.08 për qind të votave.