Ditari 1 - 10.12.2024

TOP LAJME

Ambasadorja amerikane, Angela Aggeler, pret veprime konkrete nga institucionet e vendit pas vendosjes në listën e zezë amerikane të ish zëvendës kryeministrit Artan Grubi dhe gjykatësit të apelit Enver Bexheti. Edhe presidentja e shtetit Siljanovska Davkova, Kryemsinitri Mickoski dhe zëvendës kryemisnitri Mexhiti kërkojnë reagimin e gjyqësori. Ndërsa nga BDI thonë se respektojnë vendimin amerikan dhe nuk heqin dorë nga bashkëpunimi me SHBA-të.

Nën dyshimin për keqpërdorim të thirrjes publike për blerjen e aditivëve, me çrast është shkaktuar dëm prej 6.5 milionë eurosh, policia në koordinim me Prokurorinë për Ndjekjen e Krimit të organizuar dhe korrupsionit, që në orët e hershme të mëngjesit është vënë në kërkim të 29 personave fizikë dhe 4 persona juridikë nga Velesi, Negotina, Manastiri, Kërçova dhe Shkupi. Kryemsinitri Mickoski ka deklaruar se janë arrestuar 23 persona, ndërsa në kërkim është edhe Ish-drejtori i EMV-së Vasko Kovaçevski i cili ndodhet jashtë vendit.

Gjykata Kushtetuese nesër pritet të mbaj mbledhjen e paralajmëruar për shqyrtimin e nismave që kontestojnë ligjin e gjuhëve. Duke komentuar deklaratën e liderit të BDI-së, Ali Ahmeti, nga tenda e vendosur para gjykatës, Presidentja e shtetit Gordana Siljanovska Davkova, ka apeluar te liderët e partive politike që të përmbahen nga komentet. Ndërkohë lideri i BDI-së Ali Ahmeti ka udhëtuar drejtë Tiranës, ku është pritur nga kryetarja e Kuvendit shqiptar Elisa Spiropali. Kjo e fundit ka deklaruar se gjuha shqipe dhe të drejtat e shqiptarëve në Maqedoninë e Veriut duhet të jenë të pakthyeshme. BDI po manipulon me opinionin thonë nga kualicioni VLEN.

Në kuvendin republikan ka filluar sot debati rreth propozim buxhetit për vitin e ardhshëm, që rëndon 6.5 miliard euro. Pushteti thot se se buxheti është zhvillimorë dhe i mbështetur me investime. Por këtë qëndrim nuk e ndanë opozita, sipas të cilës buxheti është jo real dhe gjeneratorë i borxheve të reja.