Ditari 1 - 09.08.2025

TOP LAJMET
Kryetari i Kuvendit, Afrim Gashi, shpalli zgjedhjet lokale. Afatet për procesin zgjedhor kanë filluar të rrjedhin. Raundi i parë do të mbahet më 19 tetor, dhe aty ku nuk do të zgjidhet asnjë Kryetar i Komunës, do të mbahet një raund të dytë më 2 nëntor. Afati i fundit për dorëzimin e listave të kandidatëve për kryetar komunash dhe këshilltarë është 15 shtatori. Fushata zgjedhore do të zgjasë 20 ditë dhe fillon më 30 shtator.

Punësimet në administratë përplasin sërish pushtetin dhe opozitën. Opozita shqiptare akuzon VLEN-in se ka për prioritet punësimin e familjarëve të zyrtarëve më të lartë, ndërsa qytetarët punësohen me kontrata afatë shkurtëra. Por Zv.Kryeministri, Arben Fetahi, hedh poshtë akuzat duke thënë se po punësohen mijëra shqiptarë, vetëm në shëndetësi ditëve të fundit janë punsuar 1250 nëpunës shëndetësor. Opozita sipas tij, tenton manipulimin e opinionit.

Kandidatët që garojnë në zgjedhje lokale duhet të anashkalojnë politikën ditore dhe të fokusohen në prezentimin e projekteve konkrete infrastrukturore në dobi të qytetarëve. Analistët politik vlerësojnë se debati duhet orientuar në problemet me të cilat përballet vetëqeverisja lokale. Menaxhimi i hapsirave publike, i deponive të egra si dhe parkingjet nëntokësore janë problemet kyçe të banorëve dhe për realizimin e tyre nevojiten projekte konkrete.

Lincencimi i Odës së Stomatologëve tani e tutje do të jetë në komptencën e Ministrisë së Shëndetësisë.