Ditari 1 - 11.08.2025

TOP LAJMET
Kryeministri Hristijan Mikcoski, deklaroi se koalicioni qeverisës është i gatshëm të miratojë ndryshimet e Kodit Zgjedhor, që tashmë janë parashtruar në Kuvend. Ai thotë se edhe pse kishte harmonizim mes partive politike për këtë çështje, një parti ka ndryshuar mendimin. Sa i përket eurointegrimit të vendit, Kryeministri Mickoski u shpreh i gatshëm që të pres çfarëdo lloj ndihme nga Shtetet e Bashkuara të Amerikës, me qëllim të përshpejtimit të rrugës euro-integruese.

Kryeministri Hristijan Mickoski akuzoi opozitën shqiptare, veçanërisht BDI-në, se po zbaton politika që i kthejnë qytetarët 30 vite prapa. Kundërpërgjigjen nga BDI, duke thënë se nuk pranojnë rikthim te padrejtësitë e së kaluarës. VLEN ndërkohë akuzon kandidatin e BDI-së për Çair, Bujar Osmani. Nga ana tjetër ASH e Arben Taravarit kritikon kandidatin e VLEN -it, Izet Mexhiti.

Oda e Stomatologëve reagon ndaj vendimit të Ministrit të Shëndetësisë, Azir Aliu, për heqjen e përkohshme të licencës së Odës, vendim që ajo e cilëson si të padrejtë dhe të pabazuar ligjërisht. Nga Oda bëjnë të ditur se disponojnë dokumente dhe raporte zyrtare që dëshmojnë të kundërtën, përfshirë edhe raportet e mëparshme të kontrollit nga vetë Ministria e Shëndetësisë, ku nuk janë konstatuar shkelje.

Përpjekjet e Serbisë për të minuar sovranitetin dhe integritetin territorial të Kosovës vazhdojnë të paraqesin kërcënim ndaj sigurisë tonë kombëtare, ka deklaruar kryeministri në detyrë i Kosovës, Albin Kurti. Këto komente ai i bëri në edicionin e 8-të të Konferencës së Ambasadorëve, ku u theksua se Kosova ka forcuar pozicionin ndërkombëtar.