Ditari 1 - 13.08.2025

TOP LAJMET
Shënohet 24 vjetori i nënshkrimit të marrëveshjes kornizë të Ohrit. Me këtë rast, Kryeministri Hristijan Mickovski me mesazh për unitet, tejkalim të përçarjeve dhe të ardhme të përbashkët. Për Zv.Kryeministrin Izet Mexhiti, Marrëveshja e Ohrit, është themeli për barazi dhe paqë që duhet transformuar që tu shërbejë qytetarëve me integritet. Ndërkohë sipas Kreut të integristëve Ali Ahmeti, të gjitha të arriturat në 24 vitet e kaluara janë bërë bashkë me VMRO- në, LSDM-në, si dhe me miqtë ndërkombëtarë.

Edhe pas dy dekadash, mungon analizë e saktë për zbatimin e ligjeve që dolën nga Marrëveshja e Ohrit. Sipas analsitëve politik, shqiptarët jetojnë dukshëm më mirë krahasuar me 2001- shin, ndërsa marrëveshja e Ohrit ka kontribuar edhe në hapjen e rrugës eurontergruese.

Pezullohet procesi për zgjedhjen e Kryetarit të Komisionit shtetëror për parandalimin e korrupsionit. Sipas Kryetarit të Komisionit për zgjedhje dhe emërime, Gjorgjija Sajkovski, Kuvendi nuk do të angazhohet për interpretim autentik të Kodit Zgjedhor. Komisioni do të vazhdojë punën më 3 nëntor.

Në vend shënohen sërish zjarre aktive. Edhe fqinjët përballen me situate të njejtë. Në Shqipëri rezultojnë 30 zjarre aktive, ndërsa një person ka humbur jetën. Nëntë vatra zjarri janë aktive edhe në Kosovë, ndërsa 23 persona janë arrestuar nën dyshimin për zjarrvënie të qëllimshme, njoftuan zyrtarët. Zjarrfikësit po punojnë intenzivisht në lokalizimin e vatrave aktive.