Ditari 1 - 14.08.2025

TOP LAJMET
Marrëveshja e Ohrit i ka përplasur partitë politike shqiptare. Nga VLEN akuzojnë BDI-në se për 22 vite në pushtet nuk arriti ta implementojë këtë marrëveshje. Nga BDI kundërpërgjigjen, se Marrëveshja e Ohrit ndodhet nën sulmin e qeverisë aktuale.

Vendi, por edhe rajoni vazhdon të përballen me zjarret. Në Maqedoninë e Veriut aktualisht ka 8 zjarre aktive. Zjarret kanë shkaktuar dëme të konsiderueshme në Shqipëri, duke dëmtuar 207 shtëpi. Por gjendja në Delvinë dhe Gramsh tanimë duket e qetësuar.

Nata e kaluar në Serbi ka qenë mjaft e tensionuar, pasi protestuesit anti qeveritarë janë përleshur me përkrahësit e pushtetit dhe policinë. Gjendja më e tensionuar ka qenë në Beograd dhe Novisad. Njoftohet edhe për dhjetra të lënduar dhe të arrestuar. Presidenti serb, Aleksandar Vuçiç kërcenoi protestuesit se do të arrestohen të gjithë ata që do të tentojnë të përfshijnë Serbinë në luftë civile.

Sytë e Botës janë drejtuar drejt Alaskës ku nesër pritet të mbahet takimi i presidentit amerikan Donal Trump, me atë rus Vladimir Putin, në kërkim të marrëveshjes që do ti jepte fund luftës në Ukrainë. Trump thotë se nëse nuk ka marrëveshje, do të ketë pasoja për Rusinë. Ndërsa liderët evropian kanë thënë se çdo marrëveshje për Ukrainën duhet të ketë dakordimin e autoriteteve ukrainase dhe evropiane.