Ditari 1 - 09.07.2026

TOP LAJMET
Nuk ka përparim në arritjen e marrëveshjes për Kodin e ri Zgjedhor para afatit të 15 korrikut. Pushteti kërkon kompromis për votimin e diasporës, ndërsa opozita mbetet e ndarë për modelin zgjedhor. Kryeministri Hristijan Mickoski shprehet i gatshëm për lëshime.

Projekti i autostradës Shkup–Bllacë ka hyrë në fazën e realizimit, njofton koalicioni VLEN. Janë siguruar financimi dhe kontratat për ndërtimin e segmentit të dytë, ndërsa punimet pritet të zhvillohen sipas standardeve dhe afateve të përcaktuara.

Komisioni Parlamentar për Financim dhe Buxhet vazhdoi shqyrtimin e amendamenteve për ribalancin e Buxhetit. Opozita kërkoi më shumë mjete për infrastrukturë, bizneset dhe projekte të ndryshme, por amendamentet nuk u miratuan. Por pushteti mohon se qeveria nuk po kujdeset për investime komunale.

Fondi për Sigurim Shëndetësor njofton se nga 1 gushti ilaçi “Foster” do të jetë i disponueshëm me participim prej 280 denarësh, pasi të harxhohen sasitë ekzistuese në barnatore. FSSH thekson se ulja e çmimeve të barnave do të realizohet përmes përfshirjes së tyre në listën pozitive dhe negociatave me prodhuesit.