DITARI 1 - 12.05.2021

Besimtarët bëjnë përgatitjet e fundit për Bajram. Nesër do të mund të falin Bajramin në qetësi pas heqjes së orës policore për shkak të festës. Xhamitë janë pastruar e dezinfektuar. Në urimin tradicional Kreu I BFI-së përkujton se Ramazani në kushte pandemie, ishte vlerë e shtuar për besimtarët. Sot vendi rejistroi 16 viktima dhe 150 raste të reja.

Shpallen shtatë thirrje publike për mbështetje financiare për sektorët e rrezikuar nga pandemia Kovid shumica e të cilëve u ankuan gjatë kohë se ishin lënë jashtë ndihmave qeveritare. Paketa e gjashtë anti-krizë, do të mbështesë rreth 10 mijë kompani me rreth 60 mijë të punësuar.

Ministri I jashtëm Bujar Osmani u shpreh sot i zhgënjyer për vonesën e celjes së negociatave. Sipas tij para vendit është ngritur një mur që RMV shpreson ta kthejë në një dtitare mundësie . Por Qeveria teknike bullgare shuan shpresat. Shefi i ri teknik i diplomacisë Bullgare, Svetlan Stoev, thotë se Qeveria teknike nuk ka autorizime për të ndryshuar pozicionet aktuale

Armiqësitë midis Izraelit dhe Hamasit u përshkallëzuan sot, me mbi 40 të vrarë në Gaza dhe pesë në Izrael, në luftimet më intensive deri më tani në vitet e fundit. Teksa bota bën thirrje për ulje të tensioneve, Izraeli thtë se militantët islamikë do të paguajnë cmim të lartë. Një protestë në mbështetje të Palestinës u mbajt në Stamboll dhe Uashington.