Ditari 1 - 26.03.2025

TOP LAJME
Pesë pacientë që u lënduan nga zjarri në Koçan e që janë trajtuar në vendet e jashtme kthehen sot dhe do të vendosen në klinikat e vendit, tha ministri i Shëndetësisë Arben Taravari. Momentalisht në spitalet e vendit po trajtohen 23 pacientë ndërsa 113 jashtë vendit.

Zgjerohen hetimet për zjarrin në diskotekën e Koçanit. MPB ka bastisur shtëpinë dhe automjetin e pronarit të diskotekës “Puls” dhe zyrën e Inspektoratit Shtetëror të Tregut në Koçan. Gjatë bastisjes janë sekuestruar kompjterë laptop, disa pajisje mobile dhe dokumente finansiare.

Ministria e Ekonomisë do të ndryshojë ligjet që kanë të bëjnë me dhënien e licencave, procedurave dhe kontrollit të objekteve hotelierike pasi lëshimet në ligjet aktuale sipas pushtetit dolën në pah me tragjedinë në Koçan. Do të rriten edhe dënimet për të gjitha lokalet që shkelin ligjet.

Sindikata e punëtorëve nga administrata, organeve gjyqësore dhe shoqatat e qytetarëve vlerëson se vendimi i qeverisë për rritjen e pagës minimale, është marrë pa mendimin, gjegjësisht nuk ka pasur marrëveshje të Këshillit Ekonomik Social ndërmjet punëtorëve dhe punëdhënësve.