Ditari 1 - 28.03.2025

TOP LAJMET
Ministri i Shëndetësisë Arben Taravari jep të dhënat më të reja për pacientët e lënduar nga ngjarja tragjike në Koçan, të cilët ndodhen të shtruar në spitale brenda dhe jashtë vendit. Nga klinikat e Shkupit tetë pacientë lëshohen për mjekim në shtëpi, ndërsa 9 pacientë që u trajtuan jashtë vendit kthehen në Maqedoni. Edhe gjendja kritike e pacientëve po përmirësohet.

Platforma kundër korrupsionit kërkon hetim rrënjësor për tragjedinë e Koçanit dhe reforma të thella në gjyqësor. Sipas tyre përveç hetimeve penale dhe përgjegjësisë individuale, ky rast përfshin një sërë institucionesh dhe organesh, të cilat janë përgjegjëse për dhënien e licencave, kryerjen e kontrolleve dhe mbikëqyrjen e detyrueshme.

Institucionet më relevante të vendit me një minut heshtje për nderë të viktimave të zjarrit në Koçan, kanë shënuar pesë vjetorin e anëtarësimit të Republikës së Maqedonisë së Veriut në Aleancën e NATO-s. Aautoritetet e vendit thekësuan se vendi ynë ka treguar se jemi partner I besueshëm I Aleancës së NATO-së, duke merrë pjesë regullishtë në misionet e paqës.

Sundimi i ligjit dhe administrata publike janë dy fushat ku Maqedonia e Veriut ka ngecje në reformat e nevojshme dhe prandaj duhet të fokusohemi në përmbushjen e këtyre synimeve, tha ambasadori i BE-së Mihalis Rokas. Me këtë mendim pajtohet edhe ministri Murtezani, i cili thotë se nevojitet një ritëm më i madh i reformave në sektorin e drejtësisë.