Ditari 1 - 04.04.2026

TOP LAJME
Qeveria nesër pritet të miratojë masa të reja të cilat do të ndikojnë që rritja e çmimit të karburanteve, të jetë sa më e ulët. Kryeministri Hristijan Mickoski ka paralajmëruar se si pjesë e masave do të jetë korrigjimi i akcizave. Por kryetari social demokrat Venko Filipçe, thotë se kryeministrit i është kujtuar shumë vonë për marrjen e masave, pasi çmimet tanimë janë rritur.

Propozim Ligji për arsimin e lartë të hënën do të dorëzohet për miratim në Qeveri. Ministreja e Arsimit, Vesna Janevska dhe Kryemsinitri Hristijan Mickoski, thonë se në tekstin e propozim ligjit janë përfshirë edhe vërejtjet e stafit akademik të universiteteve. Sipas tyre propozim ligji synon rritjen e cilësisë në arsimin e lartë. Por Aleanca për Shqiptarët vlerëson se propozim ligji për arsimin e lartë, diskriminon shqiptarët dhe universitetet në Gjuhën Shqipe, prandaj kërkon që i njëjti të tërhiqet.

ARM ka hapur konkurs për punësimin e 300 ushtarëve të rinjë. Zëvendës Misnitri i Mbrojtjes, Admir Shabani, inkurajon të gjithë të interesuarit që të konkurojnë për tu bërë pjesë e ARM-së. Shabani thotë se Ministria e Mbrojtjes mban llogari edhe për përfaqësimin e shqiptarëve si në Ministri, ashtu edhe në armatë dhe personelin civil. Brengos përfaqësimi i shqiptarëve në Akademinë ushtarake, thotë Shabani.

Vjosa Osmani Sadriu e përfundoi sot mandatin e presidentes së Republikës së Kosovës, duke ia dorëzuar postin ushtrueses së detyrës, Albulena Haxhiu. Ceremonia e dorëzim-pranimit u bë në kabinetitn e presidentes, me ç’rast u theksua nevoja që sa më parë Kuvendi i Kosovës ta zgjedh presidentin e ri të shtetit.