Ditari 1 - 25.04.2026

TOP LAJMET
Katër të lënduarit në aksidentin në Kisella Vodë janë në gjendje stabile, ndërsa tre janë liruar për trajtim shtëpiak dhe një mbetet i shtruar pas operacionit në klinikën për trajtim Intensiv. Prokuroria Themelore Publike po heton shkaqet e aksidentit në vendin e ngjarjes.

Prokuroria për Ndjekjen e Krimit të Organizuar dhe Korrupsionit ka hapur hetim ndaj një polici gjyqësor dhe një postieri nga Gjykata Penale në Shkup për marrje shpërblimi për ndikim të paligjshëm në vendime gjyqësore.

BDI ka kërkuar sqarime nga qeveria për një objekt në ndërtim pranë varrezave në Bllacë, duke dyshuar se mund të jetë i lidhur me kompani të lojërave të fatit dhe duke kërkuar ndalimin e punimeve.VLEN ka akuzuar BDI për manipulim politik dhe për lidhje të mëhershme me industrinë e kazinove përmes figurave të saj udhëheqëse.

VMRO-DPMNE akuzon LSDM për bllokimin e ligjeve të lidhura me agjendën e BE-së, duke pretenduar se kjo bëhet për interesa të lidhura me Zoran Zaev. Nga ana tjetër, Andrej Zhernovski nga LSDM-së e cilësoi qeverinë e udhëhequr nga Hristijan Mickoski si “patriotë të rremë”, duke pretenduar se shumë zyrtarë kanë pasaporta bullgare dhe tashmë janë pjesë e BE-së.