Ditari 1 - 16.05.2026

TOP LAJMET
Përdorimi i gjuhës shqipe në provimin e jurisprudencës është një çështje e stisur nga opozita shqiptare, ndërsa pas protestës së studentëve qëndron vetë BDI, akuzon partia shqiptare në pushtet, VLEN.

VMRO-DPMNE akuzon kreun e LSDM-së për qëndrime të ngjashme me ato bullgare. Sipas partisë së Mickoskit, Filipçe është i gatshëm për lëshime të reja në lidhje me identitetin. Mirëpo, LSDM ftoi Mickoskin që të zbatojë agjendën reformuese për të cilën është zotuar.

Oda e Zejtarëve ka mirëpritur subvencionet e mundësuara nga Ministria e Ekonomisë, njëkohësisht u bënë thirrje të gjithë Zejtarëve që të aplikojnë për të përfituar nga 18 milionë denarë të parapara për mbështetjen e bizneseve, zejtarëve dhe industrisë përpunuese.

Angioedema Hereditare është një nga sëmundjet e rralla, e cila nëse prek rrugët e frymëmarrjes, mund të rrezikojë jetën e pacientët. Fillimisht mund të duket si alergji, por nuk kalon me antihistaminikë. Në vend, janë diagnostikuar 19 pacientë me këtë sëmundje.