Ditari 1 - 07.06.2026

VLEN mbështet fuqishëm miratimin e Propozim-Ligjit për Përfaqësim të Drejtë, duke e cilësuar atë si hap të rëndësishëm në zbatimin e Marrëveshjes së Ohrit dhe avancimin e përfaqësimit adekuat në institucione. Bashkëkryetari i VLEN-it, Izet Mexhiti, theksoi se ligji përfaqëson një arritje konkrete pas dy dekadash mosrealizimi nga qeverisjet e kaluara.

Rritja e përdorimit të trotinetëve elektrikë, veçanërisht nga fëmijët, po paraqet rrezik serioz për sigurinë në komunikacion. Autoritetet kompetente apelojnë për respektimin e masave të sigurisë dhe moslejimin e përdorimit të trotinetëve elektrikë nga fëmijët nën moshën 14 vjeç.

Komuna e Çairit, do të fillojë procedurat për hapjen e një biblioteke moderne për të rinjtë dhe adhuruesit e librit në Çarshinë e Vjetër. Kryetari i Komunës Izet Mexhiti, theksoi se ky projekt synon shndërrimin e hapësirës mbi Sheshin Skënderbe në një qendër bashkëkohore për lexim, studim dhe aktivitete kulturore.

Kosova sot mban zgjedhjet e jashtëzakonshme parlamentare me të drejtën e votës të mbi dy million qytetarëve. Procesi zgjedhor po zhvillohet në përputhje me standardet demokratike, dhe interes të shtuar për të ardhmen institucionale të vendit.
Institucionet përgjegjëse po e menaxhojnë procesin në mënyrë transparente dhe në koordinim me vëzhguesit vendorë dhe ndërkombëtarë, duke garantuar votim të lirë dhe të rregullt.