Ditari 1 - 03.12.2023

Liderët e partive politike, gjatë të hënës do të mblidhen për të diskutuar rreth zgjedhjeve të rradhës parlamentare, përkatësisht harmonizimin e datës së zgjedhjeve, ndryshimet në Kodin Zgjedhor dhe e ardhmja evropiane e vendit.

Zëvendëskryeministrja Sllovene Tanja Fajon ka ftuar partitë politike në vend që të bëjnë përpjekje për ndryshimet kushtetuese, të domosdoshme për vazhdimin e negociatave për anëtarësim në BE. Sipas saj, ky vit është jashtëzakonisht i rëndësishëm për zgjerimin.

3 dhjetori, Dita botërore e personave me nevoja të veçanta është shënuar nga shoqatat me aktivitet të ndryshme. Ministria e Shëndetësisë njofton se po punon intensivisht për Strategjinë e re Kombëtare për të Drejtat e Personave me Aftësi të Kufizuara.

Agjencia për Nxitjen e Zhvillimit të Bujqësisë, njësia rajonale në Kumanovë, u bën thirrje bujqve dhe blegtorëve që të aplikojnë për fonde nga IPARD3 për të modernizuar ekonomitë bujqësore dhe vendet rurale.