Ditari 1 - 08.12.2023

Kryesia Qendrore E BDI-së ka vendosur që Kryeparlamentari Talat Xhaferi, të jetë propozimi I BDI-së për kryeministër të vendit, njëherësh edhe kryeministri i parë shqiptarë në 100 ditëshin e fundit të qeverisë.

Kërkesa është dërguar dhe pritet ekstradimi i Ljupço Palevskit, të dyshuarit kryesor për vrasjen e dyfishtë të Vanja Gjorçevskës dhe Pançe Zhezovskit. Në paraburgim ka përfunduar edhe personi që e ka çuar Palevskin në Turqi. Për të sqaruar dilemat rreth motivit që ka ndikuar në kryerjen e veprave të tilla si dhe a do të mund në të ardhmen të prevenohen këto ngjarje në vijim do të ndjekim intervistën speciale me Psikologen Klinike Edlira Destani.

Nga pakoja e masave të përkohshme antikrizë të qeverisë pritet të fitojnë edhe kompanitë vendore, por afaristët kërkojnë nga qeveria që të mendoj edhe për masat afatgjate gjegjësisht uljen e kontributeve nga 47,5% në 32% për pagën minimale.
Me një sërë manifestimesh u shënua 8 dhjetori – Dita e Shën Klimentit të Ohrit, shkrimtarit dhe iluministit të parë slloven, patronit të Kishës Ortodokse.

Maqedonase – Kryepeshkopatës së Ohrit. Në Kuvend u ndanë çmimet shtetërore për profesoreshën universitare Rabie Murati për suksese në fushën e edukimit dhe arsimit dhe regjisorit filmik Antonio Mitriqeskit për suksese në fushën e kulturës.