Ditari 1 - 06.03.2024

TOP LAJME
Partitë shqiptare në konfrontim të sërishëm, sa i takon përfaqësimit të denjë të shqiptarëve në ekzekutiv dhe përfshirjes eventuale në krim. VLEN ka ironizuar përpjekjet e BDI-së për marrjen e meritave me miratimin e ligjit për masa restriktive. Ndërkohë BDI ka hedhur dyshime ndaj VLEN-i për përfshirje në krim, pas deklarimeve të ministrit për Marrëdhënie midis Bashkësive, Stoilkoviq, se i ka shpëtuar nga turpi.

Kryetari i Kuvendit kroat ndodhet për vizitë zyrtare në vend. Integrimi i vendit në BE, por edhe sfidat e sigurisë në Evropë dhe botë, ishin në fokus të takimit. Marrëdhëniet politike mes dy vendeve, dy bashkëbiseduesit i kanë cilësuar të shkëlqyera.

LSDM dhe VMRO-DPMNE me akuza dhe kundërakuza për rritjen e pagës minimale. Pushteti po shmang përgjigjen e prerë, nëse është i gatshëm të subvencionojë kontributet në pjesën e diferencës nga paga e re minimale e kërkuar nga sindikatat prej 500 euro.

Mbështetja për Ukrainën dhe mbrojtja evropiane, në fokus të samitit special të BE-së në Bruksel, ku merr pjesë edhe Zelenski. Po negociohet struktura financiare dhe sigurimi i fondeve për sigurinë e Kontinentit të Vjetër, pasi ShBA-ja deklaroi se Evropa është vetë përgjegjëse për veten dhe ndaluan ndihmën ushtarake për Kievin.