Ditari 1 - 01.01.2025

TOP LAJMET
Dy fëmijë kanë lindur në të njëjtin minutë pas ndërrimit të motmoteve në Shkup dhe një në Tetovë. Ministri i shëndetësisë Arben Taravari tha se ky vit do të jetë vit i begatshëm.

Natën e ndërrimit të motmoteve në Klinikën e Toksikologjisë në Shkup, gjithsej kanë kërkuar ndihmë 21 pacientë, 18 prej tyre me helmime akute me alkool, ndërsa një fëmijë 13-vjeçar pësoi një dëmtim të rëndë në krah nga një fishekzjarre, që sipas mjekëve mund të shkaktojë paaftësi të përhershme.

28 aksidente trafiku kanë ndodhur në natën e vitit të ri në mbarë vendin, njoftoi ministri i Punëve të Brendshme Pançe Toshkovski. Sa i përket patentave të shoferit, me emrin e vjetër kushtetues të shtetit, Toshkovski tha se nuk do të gjobiten me para qytetarët për fajin e politikave të papërgjegjëshme.

Kryeministri Mickoski thotë se vitin që e lamë pas është përmbyllur me rezultate më të mira sesa është pritur, andaj pret që viti 2025 të jetë më i suksesëshëm në aspektin ekomonik. Ai njoftoi se në sferën e infrastrukturës do të përfundohen të gjithë projektet që janë në gjysëm.