Ditari 1 - 18.01.2025

TOP LAJMET
Inspektorati Shëndetësor dhe Sanitar nuk ka konstatuar lëshime në punën e mjekëve lidhur me vdekjen e fëmijës 9 vjeçar në Klinikën e Fëmijëve pak ditë më parë. Reagojnë partitë politike.

Është shtuar numri i qytetarëve që kërkojnë ndihmë mjeksore në Ndihmën e Shpejtë në Kumanovë. Kryesisht bëhet fjalë për pacientë me viroza por edhe sëmundje të ndryshme kronike. Ndihmë kërkojnë edhe qytetarët që pësojnë lëndime nga ngricat në rrugë e trotuare si dhe nga aksidente të ndryshme në trafik.

Fëmijët me nevoja të veçanta në Shkolla Fillore Vellerzërit Milladinov në Strugë, përballen me problem të ndryshme. Mungesa e koordinimit dhe bashkëpunimit me këtë institucion ka rezultuar në vonesa në aplikimet për asistencë, duke i lënë fëmijët me nevoja të veçanta pa mbështetje të duhur.

Shkolla fillore” Liria” në Tetovë, një ndër shkollat më të vjetra, është e rrezikuar nga tërmetet, ka vlerësuar komisioni i Komunës së Tetovës. Nga sektorit për arsim në komunën e Tetovës, thonë se presin rezultat edhe nga institut simologjik, por shprehen se komuna e Tetovës, ka parapar planë për një objekt të ri. Nga ana tjetër sektori për Urbanizëm në Tetovë thotë se objekti është i sigurt.