Ditari 1 - 19.01.2025

TOP LAJMET
Nxënësit e shkollave fillore dhe të mesme nesër sërish rikthehen në bankat shkollore. Ministreja e Arsimit, Vesna Janevska, thotë se janë duke u bërë përpjekje maksimale për ndryshimet ligjore në arsim, dhe përmirësimin e cilësisë së arsimit.

Asnjë institucion nuk është sanksionuar për mos respektimin e gjuhës shqipe që nga viti 2021 e deri më tani, thotë Drejtori i Inspektoratit për zbatimin e gjuhëve Arsim Idrizi. Sipas tij në gjashtë muajt e fundit në adresë të Gjykatës Penale për mosrespektim të dygjuhësisë janë procesuar 30 lëndë për kundërvajtje. Idrizi gjithashtu tha se inspektorati për zbatimin e gjuhëve ka nevojë edhe për kuadro shtesë.

Është ulur numri i të infektuarve me grip, por me fillimin e gjysmëvjetorit të dytë shkollor pritet të rritet sërish. Mjekët rekomandojnë pacientët që në simptomet e para të paraqiten tek mjeku amë për kontrollë, të kenë kujdes higjienën personale si dhe të marrin më shumë lëngje në këtë periudhë të gripit dhe viruseve.

Mungesa e madhe e fuqisë punëtore ka kriijuar shumë probleme në sektorin e biznesit. Oda Ekonomike E Maqedonisë Veri Perëndimor, ka propozuar një rritje të pagës minimale në Maqedoninë e Veriut në 31,000 denarë. Kryetari i saj, Mendi Qyra, u bëri thirrje institucioneve që ta trajtojnë këtë çështje me seriozitetin më të madh që të ndihmojnë në stabilizimin e situatës.