Ditari 1 - 20.01.2025

TOP LAJMET
Presidenti i zgjedhur, Donald Tramp, sot edhe zyrtarisht do të marrë detyrën, me një sërë aktivitetesh që i paraprijnë dhe që e shoqërojnë pas inaugurimit të tij. Trampi kthehet në Shtëpinë e Bardhë për një mandat të dytë në krye të superfuqisë. Në inaugurimin po merr pjesë edhe një delegacion nga RMV-ja i kryesuar nga kryeministri, Mickoski.

Beteja kundër krimit dhe korrupsionit, në fokus të partive politike. Koalicioni VLEN ka përshëndetur arrestimet e fundit, pjesë e grupeve kriminale. Nga LSDM me kundër akuza se Qeveria ka inkriminuar sportin. Ndërkohë nga VMRO-DPMNE në fokus mbajnë çështjen “Grubi”.

Filloristët dhe nxënësit e shkollave të mesme u kthehen bankave shkollore. Ata shprehen të gatshëm për gjysmëvjetorin e dytë, mësimdhënësit të përgatitur për ta rritur cilësinë, ndërsa nga MASh-i u dëshirojnë një fillim të mbarë.

Gripi sezonal ka mbushur pothuajse të gjitha ambulancat dhe spitalet në vendin tonë. Nga dita në ditë rritet numri i pacientëve të prekur nga gripi që kërkojnë ndihmë, ndërsa më të prekur janë fëmijët dhe më të moshuarit. Në Klinikën e Fëmijëve në Kozle po kryhen rreth 200 kontrolle në ditë.