Ditari 1 - 23.05.2025

TOP LAJMET
Maqedonai e Veriut e ka vendin në BE, zbatoni hapat për zhbllokimin e prosesit euro integrues, porositi në Shkup, përfaqësuesja e lartë e BE-së për politkë të jashtme dhe siguri, Kaja Kallas. Kryeministri Mickoski i tha asaj se vendi mbetet i përkushtuar në rrugën drejt BE-së, por kërkoi trajtim korrekt në këtë proces.

MaRrdhëniet mes Maqedonisë së Veriut dhe Britanisë së Madhe kanë hyrë në një epokë të re, kanë vlerësuar nga ambasada britanike në Shkup, pas Marrëveshjes së nënshkruar në Londër. Zëvendëskryeministri Aleksandar Nikollovski, thotë se vendi ka nënshkruar marrëveshje me shtetin e dytë më të zhvilluar në Botë. Reagon LSDM, sipas së cilës, Qeveria po nënshkruan marrëveshje për kredi prej 6 miliard eurosh, pa informuar për interesin dhe kostot.

Në Maqedoninë e Veriut janë regjistruar dy raste të lisë së majmunëve, njoftojnë nga Instituti i Shëndetit Publik, prej ku bëjnë të ditur se pacientët janë me pasqyrë të lehtë klinike. Autoritetet shëndetësore sigurojnë se situata është nën kontroll, prandaj nuk ka vend për panikë.

Megjithë problemet për shkak të mbingarkesës së rrjetit, energji elektrike do të ketë kanë suguruar nga KRRE. Kryetari i KRRE-së Marko Bislimovski, thotë se qytetarët mund të jenë të qetë, sa i përekt funrinizimit me energji elektrike. Poashtu ai ka thënë se për momentin nuk pritet të ketë shtrenjtim të energjisë.