Ditari 1 - 24.02.2026

TOP LAJMET
Artan Grubi është vendosur në arrest shtëpiak 24-orësh në rastin “Lotaria Shtetërore”, nën dyshimin për përvetësim në detyrë. Sipas Prokurorisë Publike, masa konsiderohet paraburgim dhe është caktuar për shkak të rreziqeve për sigurinë e tij. Për ministrin e drejtësisë Filkov është e papranueshme të pretendohet se siguria e një personi të ndaluar nuk mund të garantohet.

Pas arrestit shtëpiak të Artan Grubi, partitë politike kanë reaguar me akuza reciproke. Koalicioni VLEN akuzon BDI-në për frikë dhe paralajmëron pasoja të thella politike,LSDM pretendon se rasti është i orkestruar dhe i lidhur me ndikimin e VMRO-DPMNE në sistemin e drejtësisë, ndërsa kjo e fundit kundërpërgjigjet se LSDM është në panik nga faktet që mund të dalin në gjykim. Reagim pati edhe E Majta.

VMRO-DPMNE paralajmëron ulje të pagave të funksionarëve prej 10 deri më13 mijë denarë. Ndërkohë, LSDM kërkoi rritjen e pagës minimale në 600 euro, por propozimi nuk kaloi. Ilire Dauti nga Aleanca për Shqiptarët tha se rritja e pagës minimale do të duhej të sillte edhe rritjen e pagës mesatare.

Katër vite nga nisja e pushtimit rus ndaj Ukrainës, lufta vazhdon ndërsa zhvillohen përpjekje diplomatike për arritjen e paqes. Presidenti Volodymyr Zelenski dhe liderë evropianë rikonfirmuan mbështetjen për Ukrainën . Moska deklaron se qëndrimi i saj mbetet i pandryshuar, ndërsa konflikti ka shkaktuar pasoja të mëdha njerëzore dhe materiale.