Ditari 1 - 16.03.2026

TOP LAJMET
Me vendosjen simbolike të 63 karrigeve të bardha në parkun e revolucionit në Koçan u shënua njëvjetori i tragjedisë në diskotekën “Puls”, ku humbën jetën 63 persona dhe mbi 200 të tjerë u lënduan. Çdo karrige me trëndafil të bardhë simbolizonte një jetë të humbur, ndërsa familjarët kërkuan drejtësi për tragjedinë.

Ministri i Jashtëm i Maqedonisë së Veriut, Timço Mucunski, dhe homologu i tij shqiptar Ferit Hoxha zhvilluan një bisedë telefonike ku diskutuan për marrëdhëniet dypalëshe, integrimin evropian dhe projektin rajonal Korridori 8. Në fokus ishte edhe zbatimi i
Marrëveshjes së Ohrit dhe përdorimi i gjuhës shqipe në institucionet shtetërore.

Komisioni Rregullator për Energjetikë vendosi rritje të çmimeve të derivateve të naftës. Nga mesnata, benzina dhe vaji ekstra i lehtë shtrenjtohen për 7 denarë për litër, ndërsa dizeli për 6,5 denarë. Rritja vjen si pasojë e çmimeve më të larta në bursat botërore dhe forcimit të dollarit ndaj denarit.

Tensionet në Lindjen e Mesme vazhdojnë me përplasje ushtarake dhe shqetësime për sigurinë e transportit të naftës.SHBA po rrit presionin ndaj aleatëve për të siguruar Ngushticën e Hormuzit, ndërsa presidenti Donald Trump kërkon edhe qëndrimin e Kinës për këtë korridor të rëndësishëm detar.