Ditari 1 - 12.08.2026

TOP LAJMET
Uji në kryeqendër është i pijshëm, thonë nga Qyteti i Shkupit, duke demantuar zërat se uji në kryeqendër nuk është i sigurtë për pije. Kryetari i Shkupit, Orce Gjorgjievski, thotë se dezinformimi vjen nga opozita, prandaj paralajmëron se çështjen do ta ndjek juridikisht.

Fshati Luboten i Shkupit përkujtoi 10 civilët e vrarë në vitin 2001 nga forcat policore maqedonase. Edhe 25 vite pas, banorët i kanë në kujtesën e tyre momentet e vështira të asaj dite, përfshirë edhe vrasjen e familjarëve të tyre.

Nesër shënohet 25 vjetori i Marrveshjes së Ohrit, e cila i dha fund konfliktit të vitit 2001. Me këtë rast përfaqësues të partive politike, përfaqësues institucional dhe misioneve ndërkombëtare kanë diskutuar mbi atë se sa është zbatuar kjo marrëveshje, fryma e sajë dhe sfidat për të ardhmen.

Në Kuvendin e Kosovës ka mbretëruar atmosferë e tensionuar. Nuk munguan edhe lagjet me ujë, apo tentimet për konfrontime fizike mes deputetëve. Opozita kërkon vazhdimin e seancës konstituive, ndërsa Lëvizja Vetëvendosje thotë se vazhdimi i seancës do të bëhet pasi të arrihet marrëveshje për zgejdhjen e presidentit.