Ditari 1 - 27.07.2024

TOP LAJME
Mbrëmë në mesnatë ka skaduar afati për parashtrim të kundërshtimeve për procedurën e votimit. Vetëm një, për procesin e votimit në Likovë, ka arritur në Komisionin Shtetëror Zgjedhor. Ambasador i BE-së në vend Dejvid Gir i ka vlersuar zgjedhjet si të drejta dhe të rregullta.

Gjatë javës së kaluar janë regjistruar 27 raste të reja të kollës së mirë në vend, ndërsa siç theksojnë nga Instituti për Shëndet Publik në raportin e tyre më të ri, është ulje për 41 përqind në krahasim me javën paraprake. Pjesa më e madhe e të infektuarve janë në Shkup, ndërsa mosha e tyre varion nga një muaj deri në 54 vjeç.

Në Qendrën e Trajnimit në Idrizovë u promovua gjenerata e re e nëpunësve policorë. Kryeministri Xhaferi dhe zyrtarët e pranishëm inkurajuan policët e rinjë që të jenë të ndershëm dhe të përkushtuar në zbatimin e detyrave ndaj qytetarëve.

Partitë dhe koalicionet pjesmarrëse në zgjedhjet presidenciale dhe parlamentare kanë vazhduar me prezantimin platformave, programeve dhe kandidatëve për deputetë para votuesve. Fushata do të zgjat deri më 6 maj.