Ditari 1 - 12.05.2024

TOP LAJMET
Gordana Siljanovska-Davkova filloi mandatin e saj si presidentja e parë femër e shtetit. Ajo nga nga foltorja e kuvendit ka bërë të ditur se do të jetë presidente e të gjithë qytetarëve dhe se nuk do të diskriminojë. Por pas fjalimit të saj ka reaguar deputeti i BDI-së, Arbër Ademi.

Nga rezultati i dalë nga zgjedhjet parlamentare të 8 majit, Maqedonia e Veriut ka siguruar 41 ulëse për gratë që do të thotë nuk e arrin kuotën ligjore për përfaqësimin e grave në Kuvend. Nga Instituti për Lidership dhe Politika Publike thonë se marrë parasysh cilësinë dhe përvojën e kandidatëve për deputet, gjegjësisht grave, mbetet akoma për tu dëshiruar.

Fillimin e bisedimeve për bashkëqeverisje mes VMRO – DPMNE-së dhe koalicionit VLEN e komentojnë njohësit e rrethanave politike. Profesori Universitar Bashkim Selmani thotë se partitë politike shqiptare duhet ti hartonë disa pika bazë, dhe ti realizojnë ato bashkarishtë, pa marrë parasysh se cila do të jetë në Qeveri.

Rritet numri i të prekurve me Pertusis apo “Kollën e Mirë”, jo vetëm tek fëmijët por edhe tek të rriturit, në rajonin e komunës së Kumanovës, Likovës dhe disa komuna wtë tjera. Me qëllim të parandalimit “Pertusisis”, po vazhdon pa ndërprerë vaksinimi i fëmijëve.