Ditari 1 në TVM2...
Shikime: ...
Date: 28-Prill-2024
Kohëzgjatja: 00:32:12
Kanali: DITARI
TOP LAJME
Numri i qytretarëve që humbin jetën në vendin e punës në Maqedoninë e Veriut, është dy herë më i lartë krahasuar me shtetet anëtare të Bashkimit Evropian. Autoritetet paralajmrojnë se ky numër është në rritje, veçanërisht në sektorin e bujqësisë dhe në ndërtim. Vetëm gjatë vitit të kaluar ka pasur 150 fatkeqësi gjatë punës prej të cilave 15 kanë qenë fatale.
Nxënësit e shkollave fillore dhe të mesme prej nesër, 29 prill, deri më 6 maj 2024, do të jenë në pushim pranveror i cili ka filluar këtë vit shkollor. Për herë të parë ka ndryshim edhe në kalendarin e mësimit, kështu që viti shkollor 2023/2024 për filloristët do të përfundojë më 17 qershor.
Paga mesatare mujore krahasuar me shkurtin e vitit të kaluar është më e lartë prej 16.5%, njofton Enti Shtetëror i Statistikave. Kjo rritje vjen si rrjedhojë e ngritjes së pagave në disa fusha, sidomos në Adminsitratën Publike. Për ekspertin e ekonomisë Abil Baush, brengosës ngelet fakti se pagat nuk rriten në bazë të natyrshme, por në bazë të produktivitetit dhe rritjes ekonomike.
Kanë ngelur edhe 9 ditë deri në zgjedhjet e 8 majit, garuesit në zgjedhjet presidenciale dhe parlamentare kanë vazhduar me prezantimin platformave, programeve dhe kandidatëve për deputetë para votuesve.