Ditari 1 - 08.10.2024

TOP LAJMET
Hetimet po vazhdojnë për foshnjën 14-muajshe, që ndërroi jetë më 5 tetor në Klinikën e fëmijëve. Ekspertët e fushës së mjekësisë gjatë ditës së sotme do të bëjnë investigimin e dokumentacionit dhe mjekëve që kanë qenë të përfshirë në këtë tragjedi.

Brukseli nuk e refuzon plotësisht propozimin për ndryshime kushtetuese me veprim të prolonguar, thotë ministri për Çështje Evropiane, Orhan Murtezani. Sipas tij, duhet të përpiqemi të gjejmë një zgjidhje që do të jetë e pranueshme për partnerët tanë strategjikë të vendit.

Kreu i Partisë Demokratike Shqiptare, Menduh Thaçi, nuk është më pjesë e “Frontit Evropian”. Por, partnerët e tij të deritanishëm thonë se “Fronti Evropian” është kompakt dhe si i tillë do të veprojë. Nga koalicioni VLEN konsiderojnë se “Fronti Evropian” po fundoset.

Një ditë pas protestave në Tiranë, nënkryetari i PD-së, Flamur Noka, kreu i grupit parlamentar Gazment Bardhi, dhe sekretari organizativ, Ervin Minarolli, janë vënë në hetime për protestë të paligjshme. Nga protesta të lënduar mbetën edhe 10 efektivë policie.