Ditari 1 - 17.09.2026

TOP LAJMET
Një ditë pas vendimit dënues të gjykatës speciale në Hagë për katër krerët e UÇK-së, kanë vazhduar protestat dhe reagimet. Kreu i PDK-së Bedri Hamza ka paralajmëruar takim me liderët e partive politike, si dhe nismë në kuvend për të diskutuar rreth situatës së krijuar. Ndërkohë Organizata e Veteranëve të Luftës ka paralajmëruar një protestë të madhe për ditën e nesërme, si dhe krijimin e një këshilli koordinues kombëtar që do të përfshinte edhe përfaqësues nga Shqipëria, Maqedonai e Veriut dhe viset tjera shqiptare.

Reagimet e krerëve shtetërorë dhe politik shqiptar në Maqedoninë e Veriut ndaj vendimit gjyqësorë të gjykatës special në Hagë nuk i ka pëlqyer presidentit serbe Aleaksandar Vuçiq. Ai ka kritikuar sidomos qëndrimin në mbrojtje të krerëve të UÇK-së nga zëvendës kryeministri Bekim Sali dhe kryeparlamentari, Afrim Gashi. Ndaj qëndrimeve të Gashit ka reaguar edhe LSDM-ja opozitare.
Ndërkohë Kuvendi i Shqipërisë miratoi një deklaratë mospajtuese me vendimin dënues të një dite më parë në Hagë për katërshen e UÇK-së.

Eurokomisionerja për Zgjerim, Marta Kos, ka përsëritur thirrjen që Maqedonia e Veriut ta ndryshojë kushtetutën që bullgarët të bëhen pjesë e sajë. Këto komente Kos I ka bërë për televizionin shtetërorë bullgar, ku poashtu shpreh besim se qeveria bullgare do të angazhohet në përshpejtimin e procesit të zgjerimit, duke e përfshirë edhe Maqedonia e Veriut.

Kryeminsitri Hristijan Mickoski ndodhet për Vizitë në SHBA, ku ka zhvilluar disa takime me përfaqësues të institucioneve amerikane, Kongresit dhe sektorit ekonomik. Në fokus të takimeve ishin thellimi i partneritetit strategjik ndërmjet dy shteteve, si dhe hapja e mundësive të reja për bashkëpunim ekonomik dhe investime.