Ditari 1 - 18.07.2025

TOP LAJME
Nëse Bullgaria është e pajtimit se çështja e fillimit të bisedimeve të Maqedonisë së Veriut me BE-në, qëndron vetëm te çështja e ndryshimeve kushtetuese për përfshirjen e pakicës bullgare, atëherë partia në pushtet VMRO-DPMNE, e fton Bullgarinë që të dorëzojnë bashkarisht një rezolutë në Parlamentin Evropian me të cilën do të konfirmohej identiteti dhe gjuha maqedonase. Kjo ofertë e dhënë nga kryeministri Mickoski është e hapur, ka deklaruar Antonio Milloshovski nga VMRO-DPMNE.

Partitë e bllokut shqiptar janë përplasur rreth çështjes së punësimeve. BDI ka akuzuar koalicionin VLEN se me konkurse para zgjedhjeve po tenton ti manipulojë qytetarët. Edhe ASH e Arben Taravarit me kritika për mos përmbushje të paralajmërimeve për punësimin e 2500 shqiptarëve. Por VLEN mohojnë akuzat, duke theksuar se po kujdesen për punësimin dhe avancimin e shqiptarëve.

Komunat shqiptare po marrin hisen e tyre nga buxheti shtetëror. Kështu ka dekjlaruar kreu i Tetovës Bilall Kasami, sipas të cilit nga 300 milion eurot e dedikuara për projekte lokale, 30% shkojnë në komunat shqiptare.

Problemi me librat e gjuhëve të huaja është tejkaluar. Më 1 shator të gjithë filloristët do të pajisen me libra të gjuhëve të huaja, ka bërë të ditur Minsitreja e Arsimit, Vesna Janevska. Nxënësit e shkollave të mesme në vitin e ri shkollorë do të mësojnë edhe për intelegjencën artificiale.